នៅថ្ងៃ សៅរ៍ ទី១៤ ខែកុម្ភៈ ឆ្នាំ២០២៦ មាន អ្នកចូលរួម ៥១ នាក់ ពីក្រុមហ៊ុននានា បានចូលរួមវគ្គបណ្តុះបណ្តាល Soft Skill “Mastering staff’s capacity and behavior to maximize performance “ដើម្បីអភិវឌ្ឍភាពជាអ្នកដឹកនាំ និងបង្កើនប្រសិទ្ធភាពក្រុមការងារ។ អ្នកចូលរួមបានសិក្សាពីការប្រើប្រាស់ Leadership និង Management ឲ្យបានត្រឹមត្រូវ ការយល់ដឹងពីសមត្ថភាព និងអាកប្បកិរិយាបុគ្គលិក ការផ្តល់មតិយោបល់តាម Hamburger Coaching Approach និងការកសាងក្រុមការងាឲ្យមានការចូលរួម និងប្រសិទ្ធភាពខ្ពស់។ សូមអរគុណសម្រាប់ការចូលរួមយ៉ាងសកម្ម និងការចែករំលែកបទពិសោធន៍ដ៏មានតម្លៃ។Read More

ពិធីចុះអនុស្សរណៈនៃការយោគយល់គ្នារវាង វិទ្យាស្ថានសាន់រ៉ាយស៍ និង ធនាគារវីង គឺជាព្រឹត្តិការណ៍ដ៏សំខាន់មួយក្នុងការជំរុញ និងពង្រឹងកិច្ចសហប្រតិបត្តិការលើផ្នែកសំខាន់ៗចំនួនបី៖ ១. ឱកាសការងារ និងកម្មសិក្សា កិច្ចសហការនេះនឹងផ្ដល់នូវ ឱកាសការងារ និង កម្មសិក្សា ដ៏មានតម្លៃសម្រាប់សិស្ស-និស្សិតវិទ្យាស្ថានសាន់រ៉ាយស៍ ដែលនឹងអាចទទួលបានបទពិសោធន៍ការងារជាក់ស្ដែង និងត្រៀមខ្លួនសម្រាប់ទីផ្សារការងារនាពេលអនាគត។ ២. ការចែករំលែកបទពិសោធន៍ពីអ្នកជំនាញ ធនាគារវីងនឹងចូលរួម ចែករំលែកបទពិសោធន៍ ពីអ្នកជំនាញរបស់ខ្លួនតាមរយៈ កម្មវិធីសិក្ខាសាលា និង វគ្គចែករំលែក ផ្សេងៗ។ នេះនឹងផ្ដល់ចំណេះដឹងទូលំទូលាយអំពីឧស្សាហកម្មធនាគារ និងបច្ចេកវិទ្យាហិរញ្ញវត្ថុដល់សិស្ស-និស្សិត។ ៣. ព្រឹត្តិការណ៍សហការ និងគម្រោងអភិវឌ្ឍន៍ជំនាញ ភាគីទាំងពីរនឹងសហការរៀបចំព្រឹត្តិការណ៍ និង គម្រោងនានា រួមគ្នា។ ជាពិសេស គឺការអភិវឌ្ឍជំនាញសំខាន់ៗដែលស្របទៅនឹងតម្រូវការទីផ្សារបច្ចុប្បន្នដូចជា សាយប័រ (Cybersecurity), វិស្វកម្មបណ្ដាញ (Network Engineering), និង ការអភិវឌ្ឍកម្មវិធី (Software Development) ជាដើម។ គម្រោងទាំងបីខាងលើនេះគឺជាស្នូលដ៏សំខាន់ក្នុងការ បើកផ្លូវ ឆ្ពោះទៅរក ទិសដៅរួមគ្នា មួយ គឺការ ជំរុញសេដ្ឋកិច្ចបែបឌីជីថល ស្របតាមគោលនយោបាយច្បាស់លាស់របស់រាជរដ្ឋាភិបាលកម្ពុជា។ កិច្ចសហការនេះនឹងរួមចំណែកយ៉ាងសកម្មក្នុងការកសាងធនធានមនុស្សដែលមានសមត្ថភាពខ្ពស់...Read More