ពីក្តីស្រមៃតូចមួយ មកជាទំព័រប្រវត្តិសាស្ត្រថ្មីនៃសហគមន៍ Cyber Security នៅកម្ពុជា! អ្វីៗគ្រប់យ៉ាងចាប់ផ្តើមចេញពីគំនិតមួយ៖ “ធ្វើម៉េចឱ្យក្មេងៗ និងអ្នកស្រឡាញ់វិស័យបច្ចេកវិទ្យានៅស្រុកខ្មែរ មានឱកាសប្រឡូកក្នុងវេទិកាលំដាប់ពិភពលោក?” ហើយនៅថ្ងៃនេះ ក្តីស្រមៃនោះបានក្លាយជាការពិតហើយ! Hack The Box Meetup Cambodia #1 ត្រូវបានបញ្ចប់ជាស្ថាពរ និងទទួលបានជោគជ័យយ៉ាងត្រចះត្រចង់បំផុត! ទិដ្ឋភាពដែលធ្វើឱ្យពួកយើងរំភើបស្ទើរហូរទឹកភ្នែក គឺនៅពេលដែលទ្វារបន្ទប់បើក ហើយបងប្អូន សិស្សនិស្សិត និងអ្នកជំនាញជាច្រើននាក់ បានមកជុំគ្នាយ៉ាងកុះករ រហូតពេញណែនបន្ទប់។ ម្នាក់ៗមកដោយស្នាមញញឹម និងក្តីរំភើបដើម្បីរៀនសូត្រ ចែករំលែក និង Hack ជាមួយគ្នា។ អង្គុយសម្លឹងមើលទិដ្ឋភាពនេះទាំងយប់ ខ្ញុំពិតជាមានអារម្មណ៍ដឹងគុណរកអ្វីប្រៀបមិនបានឡើយ។ ដំណើរដំបូងដែលគ្មានអ្នកជឿជាក់ តែមានដៃគូដ៏អស្ចារ្យ៖ ព្រឹត្តិការណ៍ជាប្រវត្តិសាស្ត្រនេះ មិនអាចកើតឡើងបានទេបើគ្មានការទុកចិត្តពីក្រុមការងារ Hack The Box។ សូមអរគុណដល់ Orestis-Konstantinos Fotou និង Stella Vako ដែលបានជឿជាក់លើចក្ខុវិស័យមួយនេះ តាំងពីពួកយើងនៅជាសហគមន៍តូចមួយដែលគ្មាននរណាស្គាល់។ ទំនុកចិត្តរបស់បងៗ គឺជាកម្លាំងចលករធ្វើឱ្យកម្ពុជាមានឈ្មោះនៅលើឆាកអន្តរជាតិ របស់ Hack The Box...Read More

អបអរសាទរជាមួយភាពជាដៃគូសហការថ្មី! វិទ្យាស្ថានសាន់រ៉ាយស៍មានសេចក្តីសោមនស្សរីករាយក្នុងការចុះហត្ថលេខាលើ អនុស្សរណៈនៃការយោគយល់គ្នា (MoU) ជាមួយ Technovage Solution Co., Ltd. ដែលជាក្រុមហ៊ុនឈានមុខគេផ្នែកដំណោះស្រាយសន្តិសុខសាយប័រនៅកម្ពុជា។ តាមរយៈភាពជាដៃគូនេះ ភាគីទាំងពីរនឹងសហការលើ៖ កម្មវិធីលើកកម្ពស់ការយល់ដឹងអំពីសន្តិសុខសាយប័រ ការសាកល្បង Phishing Awareness Simulation ការអនុវត្ត Social Engineering Exercises ការហ្វឹកហាត់ Incident Response Drills Vulnerability Assessment & Penetration Testing (VAPT) Security Operations Center (SOC) Solutions IT Security Audits និងកម្មវិធីអនុលោមភាពស្តង់ដារ ភាពជាដៃគូនេះឆ្លុះបញ្ចាំងពីចក្ខុវិស័យរួមរបស់យើងក្នុងការ ពង្រឹងកម្មវិធីការយល់ដឹងអំពីសន្តិសុខសាយប័រ តាមរយៈការអនុវត្ត និងស្ថានការណ៍សាកល្បងជាក់ស្តែង ដើម្បីជួយអង្គភាពនានាកសាងការការពារដ៏រឹងមាំប្រឆាំងនឹងការគំរាមកំហែងសាយប័រដែលកំពុងកើនឡើង។ រួមគ្នាអភិវឌ្ឍធនធានមនុស្សផ្នែកសន្តិសុខសាយប័រ បង្កើនការយល់ដឹង និងកសាងអនាគតឌីជីថលដែលមានសុវត្ថិភាពសម្រាប់កម្ពុជា។ Celebrating a New Strategic Partnership! Sunrise Institute...Read More

នៅថ្ងៃទី២៥ ខែកុម្ភៈ ឆ្នាំ២០២៦ ឯកឧត្តម ខូវ មករា រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីបិទវគ្គបណ្តុះបណ្តាល “EC-Council Certified Incident Handler (ECIH)” ដែលជាកម្មវិធីបណ្តុះបណ្តាលស៊ីជម្រៅផ្តោតលើការគ្រប់គ្រង និងការឆ្លើយតបទៅនឹងឧប្បត្តិហេតុសន្តិសុខសាយប័រ (Incident Response) ចាប់ពីថ្ងៃទី២៣-២៥ ខែកុម្ភៈ ឆ្នាំ២០២៦ និងមានការអញ្ជើញចូលរួមពីមន្ត្រី និងបុគ្គលិកជំនាញមកពី ១៩ ក្រសួង-ស្ថាប័នរដ្ឋ ប្រតិបត្តិករហេដ្ឋារចនាសម្ព័ន្ធព័ត៌មានសំខាន់ៗ ប្រតិបត្តិករសេវាអ៊ីនធឺណិត និងស្ថាប័នហិរញ្ញវត្ថុនិងធនាគារ សរុបប្រមាណ ៣០រូប នៅសណ្ឋាគារហ៊ីម៉ាវ៉ារី រាជធានីភ្នំពេញ។   វគ្គបណ្តុះបណ្តាល EC-Council Certified Incident Handler (ECIH) ត្រូវបានរៀបចំឡើងយ៉ាងយកចិត្តទុកដាក់ ដោយគ្របដណ្តប់លើម៉ូឌុលសំខាន់ៗដែលជាមូលដ្ឋានគ្រឹះចំបងនៃការគ្រប់គ្រងឧប្បត្តិហេតុសន្តិសុខសាយប័រ។ វគ្គនេះមិនត្រឹមតែផ្តោតលើការធ្វើឱ្យប្រសើរឡើងនូវជំនាញបច្ចេកទេសប៉ុណ្ណោះទេ តែងថែមទាំងផ្សារភ្ជាប់យ៉ាងស្អិតរមួតទៅនឹងការអនុវត្តអនុលោមភាព និងទិដ្ឋភាពច្បាប់ពាក់ព័ន្ធផងដែរ។ តាមរយៈវគ្គបណ្តុះបណ្តាលនេះ មន្ត្រីជំនាញនឹងទទួលបាននូវសមត្ថភាពពេញលេញក្នុងការវាយតម្លៃ កំណត់អត្តសញ្ញាណ ទប់ស្កាត់ និងឆ្លើយតបយ៉ាងទាន់ពេលវេលា និងប្រកបដោយប្រសិទ្ធភាពចំពោះរាល់ការគំរាមកំហែង និងហានិភ័យឌីជីថលនានា។ គំនិតផ្តួចផ្តើមនេះគឺជាសក្ខីភាពបញ្ជាក់ពីការប្តេជ្ញាចិត្តយ៉ាងមុតមាំរបស់ក្រសួង ក្នុងការបន្តអភិវឌ្ឍធនធានមនុស្សជំនាញកម្រិតខ្ពស់ និងលើកកម្ពស់ប្រព័ន្ធការពារសន្តិសុខសាយប័រជាតិ ឱ្យស្របតាមចក្ខុវិស័យនៃការកសាងរដ្ឋាភិបាល សេដ្ឋកិច្ច...Read More

វគ្គបណ្តុះបណ្តាលស្តីពី “ការពង្រឹងសមត្ថភាពឆ្លើយតបឧប្បតិ្តហេតុសាយប័រតាមរយៈការធ្វើលំហាត់” នៃគម្រោងលើកកម្ពស់ភាពធន់នៃសន្តិសុខសាយប័រ ខេត្តកំពត៖ ព្រឹកថ្ងៃទី១២ ខែមីនា ឆ្នាំ២០២៦ លោក អ៊ុក វណ្ណឌី អគ្គនាយករងនៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាននៃក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីបើកវគ្គបណ្តុះបណ្តាលស្តីពី “ការពង្រឹងសមត្ថភាពឆ្លើយតបឧប្បតិ្តហេតុសាយប័រតាមរយៈការធ្វើលំហាត់” នៃគម្រោងលើកកម្ពស់ភាពធន់នៃសន្តិសុខសាយប័រ នៅសណ្ឋាគារឌឺ សឃ្វែរ កំពត ខេត្តកំពត ដោយមានការអញ្ជើញចូលរួមពីមន្ត្រី និងបុគ្គលិកជំនាញជាន់ខ្ពស់ ផ្នែកគ្រប់គ្រងហេដ្ឋារចនាសម្ព័ន្ធ និងសន្តិសុខសាយប័រ ផ្នែកគ្រប់គ្រងហានិភ័យសាយប័រ ផ្នែកគ្រប់គ្រងទ្រព្យសម្បត្តិឌីជីថល មកពីបណ្តាក្រសួង-ស្ថាប័នរដ្ឋពាក់ព័ន្ធ ប្រតិបត្តិករហេដ្ឋារចនាសម្ព័ន្ធព័ត៌មានសំខាន់ៗ ប្រតិបត្តិករទូរគមនាគមន៍និងអ៊ីនធឺណិត និងវិស័យធនាគារនិងហិរញ្ញវត្ថុសរុបប្រមាណ ៥០នាក់។ សិក្ខាសាលានេះរៀបចំឡើងរយៈពេល២ថ្ងៃចាប់ពីថ្ងៃទី១២-១៣ ខែមីនា ឆ្នាំ២០២៦ ក្នុងគោលបំណងធ្វើឱ្យសន្តិសុខសាយប័រនៃសង្គមឌីជីថលរបស់កម្ពុជាមានភាពធន់ខ្ពស់ និងដើម្បីពង្រឹងសមត្ថភាពអនុវត្តផ្នែកសន្តិសុខសាយប័ររបស់អង្គភាព តាមរយៈលំហាត់សមលើតុ និងធ្វើការអនុវត្តសម្មតិកម្មឧប្បត្តិហេតុសាយប័រដែលប៉ះពាក់ដល់វិស័យសំខាន់ៗ ព្រមទាំងផ្តោតសំខាន់លើការធ្វើសេចក្តីសម្រេចចិត្ត ការទំនាក់ទំនង និងការឆ្លើយតបឧប្បតិ្តហេតុដោយសម្របសម្រួលរវាងក្រុមបច្ចេកទេស និងថ្នាក់គ្រប់គ្រង។ ជាមួយគ្នានេះ លោក អ៊ុក វណ្ណឌី បានបញ្ជាក់បន្ថែមថា សិក្ខាកាមនឹងយកចំណេះដឹង និងជំនាញបច្ចេកទេសដែលទទួលបានពីវគ្គបណ្តុះបណ្តាលនេះ ទៅអនុវត្តឱ្យចេញជាលទ្ធផលជាក់ស្តែងនៅតាមបណ្តាក្រសួង-ស្ថាប័ន និងអង្គភាពរៀងៗខ្លួន ព្រមទាំងជួយពង្រឹងរបាំងការពារនិងភាពធន់នៃសន្តិសុខសាយប័រនៅក្នុងអង្គភាពរបស់ខ្លួនឱ្យកាន់តែរឹងមាំ ដើម្បីធានានិរន្តរភាពការងារ ហើយក៏ជាការរួមចំណែកដ៏សំខាន់ជាមួយរាជរដ្ឋាភិបាលក្នុងការកសាងបរិយាកាសសាយប័រជាតិមួយ ប្រកបដោយសុវត្ថិភាព ទំនុកចិត្ត និងប្រសិទ្ធភាពខ្ពស់។...Read More